सीके राउतको स्वागतमा उर्लियो जनसागर, आफ्नै सेनाद्धारा सुरक्षा (हेर्नुस् भिडियो)

 संवाददाता    २७ फाल्गुन २०७५, सोमबार ०५:३०     76 जनाले पढ़िसके


फाल्गुन २८। स्वतन्त्र मधेस गठबन्धनका संयोजक डा. सीके राउतलाई आईतवार जनकपुरमा समर्थकले भव्य स्वागत गरेका छन् ।सरकारसँग ११ बुँदै सम्झौता पश्चात जनकपुर आइपुगेका राउतलाई विमानस्थलमै उनका हजारौं नेता तथा कार्यकर्ता स्वागत गरेका हुन् । जनकपुर आउनु अगावैदेखि राउतका ‘स्वराजी सेना’ तैनाथ थिए । ८ जनाको संख्यामा रहेका उनका सेना बुलेटपपु्रफ जस्तै देखिने ज्याकेट, कालो चश्मा र अनुहार छोपेर सुरक्षा दिएका छन् ।

भिडियो हेर्न तलको लिंकमा क्लिक गर्नुहोस्….

करिब पोने चार बजे विमानस्थलमा आएका सीके राउतको समाचार संकलनका लागि करिब दर्जनौं पत्रकार चार घण्टादेखि बसेका थिए । तर राउत आउने वित्तिकै उनका सेनाहरु कब्जामा लिए । विमानस्थलमा नेपाल प्रहरीको समेत केहि चलेन । आफ्नै समर्थकको घेराबन्दीमा राउत निस्के तर सरकारसँग गरेको सहमतीबारे केहि बोल्न चाहेन । विमानस्थलबाट हजारौं समर्थकका साथ जनकपुरको परिक्रमा गरेको छ । जिल्ला प्रशासन कार्यालय, प्रदेश २ को मुख्यमन्त्री तथा मन्त्री परिषदको कार्यालय, जानकी मन्दिर हुँदै राउत जनकपुरस्थित डेरा पुगेका छन् । उनका समर्थकहरुले स्वतन्त्र मधेस र सरकार जनमतसंग्रह गर्न तयार जस्ता नारा समेत लगाएका छन् ।