मन्त्री लालबाबुले सिरहामा गरे चार शिलान्यास, लहानमा कन्या विद्यालय

 संवाददाता    १० चैत्र २०७५, आईतवार १८:२७     171 जनाले पढ़िसके


नवसंग्राम दैनिक लहान, ११ चैत्र । लहान नगरपालिकाले तराइ–मधेश समृद्धि कार्यक्रम अन्तर्गत अति विपन्न मेस्तर तथा डोमको लागि खुट्टी खोलाको पूर्वी र पश्चिमी किनारमा एकीकृत वस्ती निर्माण थालेकोे छ । वस्ती निर्माणको लागि आईतवार संघीय सरकारका सामान्य प्रशासन मन्त्री लालबाबु पण्डितले सोको शिलान्यास गरेका छन् । बस्ती निर्माणका लागि ९९ लाख दुई हजार रुपैया सरकारले छुट्याएको छ । साथै त्यहाँ रहेको शिवशक्ति आधारभूत विद्यालयलाई नमूना कन्या प्राविधिक विद्यालय बनाउन पनि ५५ लाख रकम छुट्याएको छ । विद्यालय निर्माणको शिलान्यास पनि मन्त्री पण्डितले आजै गर्नुभयो ।

शिलान्यास कार्यक्रममा मन्त्री पण्डितले गरिबी हटाउन समृद्धिको लिक कोर्न लागेको बताउँदै तराइ–मधेश समृद्धि कार्यक्रमको डिजाइनर म आफै हुँ । यस कार्यक्रम अन्तर्गत पञ्चवर्षिय योजना अन्तर्गत २८ अर्व ५० करोड विनियोजन गरिएको छ । यस अन्तरगत दलित गरिबलाई पक्कीको घरसम्म पहुँच हुने निश्चित रहेको बताउँनुभयो । उता, आजै मन्त्री पन्डितले दोस्रो गोलबजार मेयर गोल्डकप २०७५ को उद्घाटन गर्नुभयो । उद्घाटनसँगै गोलबजारमा विभिन्न साँस्कृतिक झाकी पनि प्रदर्शन गरिएको थियो । उता,गोलबजार नगरपालिका ३ सरस्वती उच्च मा.बि.देखि नजिकै ४ सय मिटर मन्त्री लालबाबु पण्डितले आजै नमुना दलित बस्तीको सिल्यानास समेत गर्नुभयो । कार्यक्रममा संघीय सांसद लिलानाथ श्रेष्ठले पाँच वर्षमा सिरहामा सिंचाइ सडक शिक्षा स्वास्थ्य र कृषि क्षेत्रको अधिकांश समस्या यहि सरकारले समाधान गरेर समृद्धिको सपना सकार गर्ने बताउँनुभयो ।