बन्दको प्रभाब लहान सहित देशै भरीकाे जनजिवन प्रभावित बिहानैदेखि देशैभर बम आतंक, सुरक्षा व्यवस्था काडा

 संवाददाता    १० असार २०७६, मंगलवार ०३:१६     50 जनाले पढ़िसके


ओम प्रकाश यदव  लाहान १० असार। आफ्नो कार्यकर्ता मारिएको विराेध गर्दै नेत्र विक्रम चन्द (विप्लव) नेतृत्वको नेकपाले आयोजना गरेको नेपाल बन्दको प्रभाव प्रदेश नम्वर २ काे लाहान सहित मुलुकभर देखिएको छ । लामो समयदेखि सरकारसँगको असहमितमा विभिन्न किसिमका घटना गराउदै आएको विप्लवले असार १० गते मंगलवार गरेको बन्द आह्वानसँगै विभिन्न ठाँउमा विष्फोटक पदार्थ र शंकास्पद वस्तु फेला परेका समाचार प्राप्त भएको छ । अपराधिक गतिविधिलाई मध्य नजर गर्दै लाहान सहित देशै भरीकाे सुरक्षा व्यवस्था काडा पारिएकाे छ ।

 

कहाँ कहाँ भेटिए बम

नेत्रविक्रम चन्द विप्लव’ नेतृत्वको नेपाल कम्युनिष्ट पार्टीका कार्यकर्ताले बन्द सफल र जनजीवन त्रसित पार्न मुलुकको विभिन्न ठाउँमा मंगलबार बिहानै बम र शंकास्पद वस्तु राखेका छन् । बझाङ र झापासहित विभिन्न स्थानमा बम भेटिएको छ । झापाको भद्रपुर स्थित भद्रपुर नगरपालिकाको कार्यालयभित्र एउटा झोलामा शंकास्पद वस्तु भेटिएको छ । प्रहरीका अनुसार नगरपालिकाका मेयरको कार्यकक्ष चढ्ने सिढीमुनि कालो व्याग जस्तो शंकास्पद वस्तु फेला परेको हो। यसैगरी बझाङको जयपृथ्वी नगरपालिका वडा नम्बर ३ राजकोट पाण्डुपडेसको वडा कार्यालय भवनमा बम भेटिएको छ ।

उदयपुरमा शंकास्पद वस्तु

त्यस्तै विप्लवका कार्यकर्ताले जनजीवन त्रसित पार्न उदयपुरको विभिन्न ठाउँमा शंकास्पद वस्तु राखेका छन् । कटारी बजार र गाईघाटको प्रगतिटोलमा शंकास्पद वस्तु भेटिएको छ । शंकास्पद वस्तुबारे नेपाली सेनाको बम डिस्पोजल टोलीले अनुसन्धान गरिरहेको छ ।

भिमाद पुलमा पनि शंकास्पद रातो वस्तु

विप्लव समूहका कार्यकर्ताले सिन्धुलीको भिमाद पुलमा पनि शंकास्पद वस्तु राखेका छन् । शंकास्पद वस्तुबारे सेनाले अनुसन्धान थालेको छ । नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले आव्हान गरेको बन्द सफल पार्न कार्यकर्ताले मुलुकको विभिन्न ठाउँमा बम र शंकास्पद वस्तु राखेका छन् । विप्लव समूहका कार्यकर्ताले जनजीवन त्रसित पार्ने उदेश्यले राखेको बम तथा शंकास्पद वस्तु नेपाली सेनाले निक्रिय पारेको छ । काठमाडौको कीर्तिपुरमा मंगलबार बिहानै शंकास्पद वस्तु फेला परेको छ । शंकास्पद वस्तु भेटिएको ठाउँलाई अहिले नेपाली सेना र प्रहरीले घेरामा राखेको छ । सुरक्षाकर्मीले शंकास्पद वस्तु पहिचानका लागिअनुसन्धान गरिरहेको जनताकर्मी बिमल खड्काले घटनास्थलबाट जानकारी गराएका छन् । विप्लव समूहका कार्यकर्ताले काभ्रेको बनेपा, धुलिखेल, र पनौतीमा पनि बन्दलाई लक्षित गरी कुकर बम राखेका छन् । विप्लवका कार्यकर्ताले जनजीवन त्रसित पार्न राखेको बम नेपाली सेनाले बिहानै निस्क्रिय पारेको जनताकर्मी रोजन तामाङले जानकारी गराएका छन् । झापा– भद्रपुरमा बम पनि मंगलबार बिहानै बम भेटिएको छ । बम विप्लव समूहका कार्यकर्ताले बन्दलाई लक्षित गरी राखेको हुन सक्ने सुरक्षाकर्मीले जनाएका छन्