सुरुङ्गा नगरपालिका वडा नम्बर ८ को प्रत्येक घरमा मास्क र साबुन बितरण

 संवाददाता    २२ चैत्र २०७६, शनिबार ०९:५२     497 जनाले पढ़िसके


संजय विश्वकर्मा लहान २२, चैत्र । विश्व महमारी कोरोना भाइरस (कोभिड–१९) लाई नियन्त्रण गर्न सप्तरीको सुरुङ्गा नगरपालिका वडा नं. ८ को प्रत्येक घरधरीुमा मास्क र साबुन बितरण भएको छ । शिक्षक कर्मचारी समाज सुरुङ्गा नगरपालिका वडा नं. ८ र स्थानिय समाजसेबीहरुको ब्यक्तिगत लगानीमा सो वडाका प्रत्येक घरधुरीमा साबुन र मास्क बितरण गरेको शिक्षक कर्मचारी समाजका अध्यक्ष रामअशिष चौधरीले जानकारी दिनुभएको छ । एक हजार चार सय उन्नाईस घरधुरी रहेको प्रत्येक घरधुरीमा एक वटा साबुन र ६ हजार ६ सय १४ वटा मास्क बितरण गरेको हो । महुलीया , मल्हनमा, धाँती बजार , समसेरपुर टोल गरी राहत स्वरुप सो सामग्री बितरण गरेको सबल नेपालका फिल्ड अफिसर राधेश्याम रामले जनाए ।

उनिहरुले समुदायमा माईकिङ्ग , संन्देशमुलक पर्चा पम्पलेट बितरण , घर घरमा पुगी जनचेतना समेत दिईएको हो । चार दिन लगाएर बितरण गरेको राहत सामग्री बितरण कार्यक्रमको आईतबार बिधिबत रुपमा समापन गरिएको छ । सोसल डिस्टेन्टलाई मध्यनजर गर्दै समापन भएको कार्यक्रममा वडा नम्बर ८ का वडा अध्यक्ष ईन्द्रदेब चौधरीको प्रमुख आतिथ्य र शिक्षक कर्मचारी समाजका अध्यक्ष राम अशिष चौधरीको सभा – अध्यक्षतामा कार्यक्रम सम्पन्न भएको आयोजकले जानएको छ । प्रमुख अतिथिको आसन्न बाट बोल्दै वडा अध्यक्ष ईन्द्रदेब चौधरीले आयोजक संस्था र समाजसेबीहरुले गरेको कार्यको प्रसंसा गरे ।

वडा अध्यक्ष चौधरीले भने सुरुङ्गा नगरपालिकामा सो संस्थाद्धारा ब्यक्तिगत लगानीमा बितरण गरेको कार्य प्रशसनिय छ , त्यस्ता कार्यले नगरपालिकालाई थप उर्जा मिलेको छ ।’ उनले थपे नगरपालिकाको ११ वटै वडामा साबुन र सेनीटाईजर बितरण गर्ने निर्णय गरिसकेकोले छिटै नै प्रत्येक घरघुरीमा सो सामग्रीहरु बितरण गरिने जानकारी दिनुभयो । सरकारको लकडाउनको निर्णय आफनै लागी भएकोले सबैलाई सो निर्णयको पालना गर्न उनले आग्रह गरेका छन । संघिय सरकारले चैत्र १९ गते देशका सबै स्थानिय तहलाई जारी गरेको राहत सम्बन्धी निर्देशन पालनाका लागी सुरुङ्गा नगरपालिकाले राहत प्राप्त गर्ने ब्यक्तिको अभिलेख ढाँचा पनी तयार गरिरहेको उनले जानकारी गराए ।

बास्तबिक श्रमिक वर्ग असाहय , बिपन्न परिबारलाई राहत दिन नगरपालिकाका जनप्रतिनिधि लगायत कर्मचारी परिचालन भएको भन्दै छिटै नै राहतको प्याकेज सो बर्ग मा पुग्ने उनले आश्वासन दिएका छन । समापन समाहरोहमा प्रहरी चौकी ईन्चार्ज डम्बर बस्नेत , स्वास्थ्य चौकी ईन्चार्ज रामबिलास चौधरी , प्रियकान्त चौधरी , चन्द्रभुषण चौधरी , श्याम साह, लगायतले सरकारको लकडाउनको निर्णयलाई पालना सहित सम्मान गर्न सम्पुर्ण नगरबासीहरुमा आग्रह गरेका छन ।