सिरहाको कल्याणपुर नगरपालिकामा अति विपन्न ए ग्रेडका परिवारलाई पहिलो प्राथमिकतामा राहत वितरण कार्य सुरु

 संवाददाता    २६ बैशाख २०७७, शुक्रबार १५:२९     171 जनाले पढ़िसके


श्रीकान्त झा  सिरहा । २६,बैशाख । लक डाउनबाट प्रभावित सिरहाको कल्याणपुर नगरपालिकाका वडा नम्बर ५ का अति विपन्न ए ग्रेडका परिवारलाई राहत वितरण सम्पन्न भएको छ । सिरहाको कल्याणपुर नगरपालिका वाडा ५ मा विपन्न परिवार धेरै भएको कारण ग्रेडिगंमा ए वि र सि गरि राहत वितरण गरे अनुरुप ए ग्रेडका अति विपन्न परिवारलाई पहिलो प्राथमिकता दिई राहत वितरण कार्य सुरु गरेको कल्याणपुर नगरपालिका वाडा ५ का वाडा अध्यक्ष दिपेन्द्र यादव वरवरियाले जानकारी दिएक छन् । अध्यक्ष दिपेन्द्रका अनुसार लक डाउनमा परेका विपन्न परिवारले राहत पाउँनु पर्छ तर सम्वन्धित निकायले पठाएको राहत कोटा सिमित भएको कारण हामी चाहेर पनि दिन नसकेको वखत विरोधको अवस्थालाई मध्य नजर गर्दै अति विपन्नलाई ए विपन्नलाई वि र अलि त्यो भन्दा माथिका विपन्नलाई सि ग्रेडमा राखि राहत वितरणको प्रकृयालाई अगाडी वढाईएको छ । राहत वितरण सामग्रीमा चामल १५ किलो, दाल डेढ किलो, चिनी १ किलो, नुन १ किलो र नुहाउने साबुन २ पिस वितरण गरेको छ । वडा नम्बर ५ गाउँमा १४६ सय घरधुरीलाई राहत वितरण गरिएको छ ।