आदालतको आदेशलाई ,अपमान गाउँ पालिकाले लगाए पोखरी ठिक्का

 संवाददाता    २७ असार २०७७, शनिबार ०५:३८     74 जनाले पढ़िसके


लहान २७, आसार । अदालतमा मुद्दा चलिरहेको अवस्थामा लक्ष्मीपुर पतारी गाउँपालिकाले पोखरी ठेक्का लगाएको भन्दै स्थानीयले आपत्ती जनाएको छ । लक्ष्मीपुर पतारी १ स्थित रहेको दुर्गा मन्दिर पोखरी मंगल साहु र धनराज साहुका सन्तानहरुले भोगचलन गर्दै आएका छन् । स्थानीय मुसहरु साहले मुद्दाको टुङ्गो नलागेसम्म गाउँपालिकाले सो पोखरी ठेक्का नलगाउनु पर्ने हो । मुसहरु साहले यसअघि आदालतमा मुद्दा दिएका थिए । मुसहरु साहले मुद्दा चलिरहेको अवस्थामा गाउँपालिकाले आदालतको आदेशलाई सिधै अपमान गरेको आरोप लगाएका छन् । पोखरीको भोगचलन गर्दै आएका लक्ष्मीपुर पतारी १ रामपुर बस्ने शम्भुप्रसाद साहले साबिक गाबिस पिप्रा प्रध ७ हाल लक्ष्मीपुर पत्तारी गाउँपालिका वडा १ मा करिब एक बिघा १८ कठ्ठा क्षेत्रफलमा अबस्थित पोखरी पुस्तौदेखि आफनो बाउबाजेले ब्यत्तिगत रुपमा भोगचलन गर्दै आएको उनले दाबी गर्दै आएका छन् । स्वर्गीय मंगल साहु र धनराज साहु दुई दाजु भाई थिए ।

बि.सं. १९५९ मा पोखरी खरिद गरी आफनो बाउ बाजेको पालादेखि भोगचलन गर्दै आएका छन् । भोगचलन गर्दै आएका अर्का नबिनकुमार गुप्ताले स्थानीय तहको चुनाब हुनु आगाडि २०७२ मा गाउँका ५ जना महेन्द्र साह , मुसहरु साह, शंकर साह ,गौरी शंकर साह, बेचन मोचीले पोखरी कसैको ब्यक्तिगत हैन सार्बजनिक हो भन्दै जिल्ला आदालत सिरहा, पुनराबेदन आदालत राजबिराजमा मुद्दा दिएका थिए । अहिले यो मुद्दा जिल्ला आदालतमा मुल्तबीमा रहेको साथै सर्बाेच्च आदालतमा गईसकेकोले सुनवाई नहुन्जेलसम्म पोखरीको माछा वाली रोक्का रहेको छ । गाउँपालिकाले कुन आधारमा यो सार्बजनिक सम्पती हो भनेर ठेक्का लगाएको स्थानीय मुसहरु साहले बताए ।

भोगचलन गर्दै आएका परिवार सदस्यले गाउँपालिका सिधै हाम्रो परिबारमाथी राजनीतिक प्रहार गरेको आरोप लगाएका छन् । मुद्दाको फैसला भएको छैन । गाउँपालिकाले २०७६ फागुनमा स्थानीय सियाराम मुखियालाई सो पोखरी ठेक्का दिएको हो । पोखरी हाम्रो बाउ बाजेको नीजि सम्पती हो । हामीसंग प्रमाण छ । हामी आदालतमा मुद्दा लडिरहेको छु । आदालतले पोखरी सार्बजनिक सम्पती हो भन्ने लिखित आदेश दिएपछि मात्र गाउँपालिकालाई ठेक्का लगाउनु पर्ने उनीहरुको कथन हो । उता, गाउँपालिकाले स्थानीयबाट दश लाखको माछा झिकेर बाडफाँट गर्न लगाएको छ ।