रक्षक नै भक्षक भएपछि मण्डलको बारी खयर, वन कार्यालय मौन

 संवाददाता    १६ आश्विन २०७७, शुक्रबार ०५:१६     77 जनाले पढ़िसके


लहान, १६ असोज । लहान १९ स्थित रहेको नोडेगा वनबाट खयर जातको गाछ फडानी हुन थालेको छ । जिल्ला वन कार्यालय सिरहा लहानको निगरानीमा रहेको उक्त खयर जातको गाछ सिफारिस विना फडानी भइरहेको जानकारीमा आएको छ । त्यस सामुदायिक वनबाट जिल्ला वन कार्यालय सिरहा लहानका वन रक्षक तेज मण्डलको संरक्षण फडानी भइरहेको खुलासा भएको छ । वनबाट खयर फडानी गरी वन रक्षक तेजु मण्डलले आफ्नो घरायसी कामको लागि ल्याएर राखेको स्थानीयले बताए । यसवारे जिल्ला वन कार्यालय लहानले खोजविन गर्न जाँदा रितो हात फर्किएका छन् । वन रक्षकले नै वन विनशमा लागेपछि जिल्ला वन कार्यालय मौन बसेको वन कार्यालय लहानका एक कर्मचारीले बताए ।