विपदबाट जोगिन लक्ष्मीपुर पत्तारी गाउँपालिकामा अभिमुखिकरण

 संवाददाता    २७ आश्विन २०७७, मंगलवार ०९:०८     66 जनाले पढ़िसके


संजय विश्वकर्मा लहान २७ , असोज । सिरहाको लक्ष्मीपुर पत्तारी गाउँपालिकामा सोमबार एक दिने विपद जोखिम न्युनिकरण तथा ब्यबस्थापन सम्बन्धी अभिमुखिकरण तालिम सम्पन्न भएको छ । अब केहि महिना पछि जाडोयाम सुरुहुने भएकोले तराईमा शितलहर जस्ता जोखिम आउन सक्ने सम्भावना भएको हुँदा त्यसबाट जोगिन गाउँपालिकाले तालिमको आयोजना गरेको गाउँपालिका अध्यक्ष रामबल्लभ साहले जानकारी दिनुभएको छ । कोरोना महामारी, बाढी, आगलागी जस्ता अन्य अपत्तकालिन जोखिमबाट कसरी बच्न सकिन्छ भन्ने बिषयमा औपचारिक कार्यक्रमको आयोजना गरी एक दिने प्रशिक्षण राखिएको अध्यक्ष साहले बताए । स्थानीय स्रोत साधनको प्रयोग गरि जोखिम न्यूनीकरण गर्ने विधिहरुको बारेमा शस्त्र प्रहरी बल सिरहाका डिएसपी बिनोद थापा र कोशिका परामर्श सेवा प्राली काठमाडौँका प्रतिनिधि श्याम प्रसाद ढकालले सहजीकरण गरेका थिए । अभिमुखिकरण कार्यक्रममा गाउँपालिकाका सम्पुर्ण कर्मचारी , जनप्रतिनिधि लगायतको सहभागिता रहेको लेखापाल नरेश कामैतले जानकारी दिनुभयो ।