सबल नेपालद्धारा सिरहाको कर्जन्हामा एक दिने कार्यशाला सम्पन्न

 संवाददाता    ३ पुष २०७७, शुक्रबार ०७:२९     246 जनाले पढ़िसके


संजय विश्वकर्मा लहान ३ , पौष । सिरहाको कर्जन्हा नगरपालिकामा विहिबार एक दिने प्रगति समिक्षा तथा योजना तर्जुमा कार्यशाला गोष्ठी सम्पन्न भएको छ । खानेपानी तथा पुर्ण सरसफाई कार्यक्रम अन्तर्गत सरोकारवालाहरुको बिचमा कार्यशाला सम्पन्न भएको सबल नेपालका जिल्ला संयोजक केशवराज पन्तले जानकारी दिनुभयो । कार्यक्रममा खानेपानी सरसफाईको बारेमा बिभिन्न बिधिहरु प्रयोग गरी समुदाय स्तरमा कार्यक्रमहरु संचालन गरोको बारेमा संयोजक पन्तले सलाईट प्रस्तुत गरी स्थानिय लगायत सरोकारवालाहरु लाई जानकारी गराएका थिए । खानेपानीको गुणस्तरिय जाँच , घरायसी तहमा पोषण प्रबद्धन , महिनावारी स्वच्छता व्यबस्थापन तथा प्रबर्दन लगायतका कृयाकलापमा संस्थाले समुदाय स्तरमा कार्यक्रमहरु संचालन गरेको समेत जानकारी गराएका थिए ।

डब्लुएचएचको आर्थिक सहयोगमा सन २०१८ देखी २०२१ सम्मका लागी सो कार्यक्रम सिरहा जिल्लाका तिन स्थानियतह कल्याणपुर नगरपालिका , सिरहा नगरपालिका र कर्जन्हा नगरपालिका संचालनमा रहेको सबल नेपालका लेखा अधिकृत मोनिका शर्माले बताए । उहाँले पोषण , खानेपानी सरसफाई लगायत बल्टीया प्रोजेक्ट कार्यक्षेत्रभित्र संचालमा रहेको बताएका थिए ।

No description available.

कार्यक्रममा नगरपालिकाका प्रमुख गंगा पासवान , उप– प्रमुख ज्ञानु कुमारी श्रेष्ठ , प्रमुख प्रशासकीय अधिकृत , जगदिश मण्डल , स्वास्थ्य शाखा अधिकृत कामेश्वर यादव , सामाजिक विकास अधिकृत अरुण साह , डब्लुएचएचका परियोजना संयोजक पदम लम्साल , प्राविधिक अफिसर कमल चापागाँई , एमएनईका निरज गिरी, नगरपालिका भित्रका बिभिन्न सहाकारी संस्थाका प्रतिनिधि , स्वयम् सेविका , स्कुलका शिक्षक प्रधानाध्यापक , स्वास्थ्यचौकिका ईन्चार्ज लगायतको सहभागिता रहेको थियो । कर्जन्हा नगरपाकिलाको समन्वमा संचालन भएको एक दिने कार्यशालामा बिभिन्न बक्ताहरुले कर्जन्हा नगरपालिकाका वडा नम्बर १ देखी ११ सम्म सबल नेपालले समुदायस्तरमा प्रभावकारी कार्यहरु संचालन गरेको बताए । नगरपालिकाले सबलनेपालले गरेका कार्यहरु प्रसंनिय रहेको बताएका थिए । यसैबिच आज सिरहाको मिर्चैयामा कल्याणपुर नगरपालिकाको एक दिने प्रगति समिक्षा तथा योजना कार्यशाला गोष्ठी हुने छ भने पर्सि सिरहा नगरपालिकामा उक्त कार्यशाला हुने आयोजक संस्था सबल नेपालले जनाएको छ ।