सुरुङ्गा र खडक नगरपालिकाका बजेट विश्लेषण सम्बन्धि बैठक सम्पन्न

 संवाददाता    ८ पुष २०७७, बुधबार ०८:३८     111 जनाले पढ़िसके


सप्तरी ८,पौस । सप्तरीको सुरुङ्गा र खडक नगरपालिकामा नगरको बार्षिक बजेट आ.ब.२०७५/ ०७६ र ०७७ तर्फको बालवालिकाहरुका लागि कार्यक्रम तथा बजेट विश्लेषण सम्बन्धि बैठक पौष ५ गते आईतवारका दिन सम्पन्न भएको छ । बैठकबाट कार्यक्रम तथा बजेट लेखाजोखाका लागि सात सदस्य समिति समेत गठन भएको छ । सामाजिक विकास समिति संयोजक उक्त समितिको संयोजक रही विभिन्न विषयगत शाखाका प्रमुखहरु सदस्य रहेका छन । सेभ द चिल्ड्रेनको सहयोगमा सबल नेपाल सप्तरी द्वारा संचालित समुन्नति कार्यक्रम अन्तर्गत नगरपालिकाको महिला तथा वालवालिका शाखाको आयोजनामा बजेट विश्लेषण वैठक सम्पन भएको सबल नेपाल सप्तरीको फिल्ड अधिकृत खडक नारायण चौधरीले जानकारी गराउनु भएको छ । खडक नगरपालिकाको बैठकहल कल्याणपुर र सुरुङ्गा नगरपालिकाको वैठकहल मधुपट्टीमा भएको थियो ।

नगरप्रमुख, उप नगरप्रमुख, प्रमुख प्रशासकीय अधिकृत, शिक्षा, स्वास्थ्य, लेखा लगायत विभिन्न विषयगत शाखाको प्रमुखहरुको उपस्थितीमा भएको बजेट विश्लेषण बैठकमा सबल नेपालका फिल्ड अधिकृत राधेश्याम रामले सहजीकरण गर्नुभएको कार्यक्रम सुपरभाईजर अशोक कुमार साहले जानकारी गराउनु भएको छ । लेखाजोखा समिति सुरुङ्गाका संयोजक समेत रहनुभएका वडाअध्यक्ष देवेन्द्र प्रसाद चौधरीका अनुसार समितिले नगरपालिकाको सवै क्षेत्रको बजेट तथा कार्यक्रम विश्लेषण गरी प्रतिवेदन तयार गरिने छ र यस वाट वालवालिकाहरुको हकमा छुट्याएको बजेट र प्रत्यक्ष लाभान्वित भईरहेको लेखाजोखा गर्न मदत पुग्ने बताउँनु भएको छ ।