सडक निर्माणलाई लिएर झिटकोहियामा दुई पक्षबिच विवाद

 संवाददाता    १९ माघ २०७७, सोमबार ११:४६     84 जनाले पढ़िसके


धनुषाको औरही गाउंपालिका वडा नं. १ झिटकोहियामा सडक निर्माणको विषयलाई लिएर विवाद भएको छ । डिहिवार स्थानदेखि कोनहर नदीसम्म नयां निर्माण हुन लागेको कृषि सडकलाई लिएर आईतवार दुई पक्षबिच विवाद भएको हो । स्थानीय रहमद राईन , अहमद राई , ईबराहिन राईन , सदाम राईन सहितका व्यतिmहरुले सडक कटान गर्न थालेपछि सोही स्थानका युवा जगरनाथ यादवले त्यसो नगर्न आग्रह गरेका थिए । पछि गाउंका स्थानीय , भद्रभलादमी , बुद्धिजीविहरुले सम्झाउन खोज्दा सडक कटान नरोकिने बताउंदै गाली गलोज गर्दै कोदालोसहित आक्रमण गर्न खोज्दा विवाद उत्पन्न भएको थियो । विवाद बढेपछि विकासे मुद्दालाई राजनीतिक मुद्दा बनाई एक अर्कामाथि आरोप लगाई फसाउने काम समेत बढेको स्थानीयहरुले जनाएको छ । स्थानीयहरुले घटनाको निष्पक्ष छानबिन गरी दोषीलाई कारवाही गर्न स्थानीय प्रशासनसंग मांग गरेको छ ।